Babban Sakataren Hukumar Kula Da Asibitocin Jihar Kano (HMB), Dakta Mansur Mudi Nagoda, ya amince da dakatar da wata likita a Asibitin Koyarwa na Muhammad Abdullahi Wase bisa zarginmta da yin watsi da marasa lafiya.
Wannan dai ya biyo bayan ƙorafe-ƙorafen da majiyyata da ma’aikatan asibitin da aka samu bayan likitar ta bar wurin marasa lafiyan ba tare da sanar da mahukuntan asibitin ba.
Ya bayyana cewa, an yi mata kiraye-kirayen da yawa amma ta ci gaba da cewa tana asibiti alhalin ba ta taɓa zuwa ba, wanda hakan ya sa majinyacin mai fama da cutar ƙoda a cikin wani mummunan hali.
Sakataren zartarwar ya jaddada cewa, “Za a ci gaba da sa ido sosai kuma muna sa ran duk wanda sunansa ya bayyana a ƙin yin aikin zai shafi aikinsa. Duk wanda aka samu yana irin wannan, to ya ɗora laifin a kansa”.
Dokta Nagoda ya yi nuni da cewa, likitocin sun yi rantsuwar kare rayuka, ya kuma buƙace su da su ruɓanya ƙoƙarinsu.
- Kotu Ta Hana Gwamnatin Kano Bincikar Ganduje
- Kungiyar ( POWA) Reshen Jahar Kano Ta Fara Zagayen Rangadin Gana Wa Da Matan Yan Sanda Da Iyalansu.