An kama fiye da mutum 50 kan zargin tayar da zaune-tsaye a Legas

Rundunar ƴansandan Najeriya reshen jihar Legas ta cafke mutum sama da 50 bayan hargitsin da ya kaure tsakanin wasu matasa da ɓatagari a yankin Ile-Epo da ke jihar Legas.

A sanarwar da kakaknin rundunar, SP Benjamin Hundeyin ya fitar ranar Alhamis, babban jami’in ɗansanda yankin ya tura jami’ansa zuwa wajen inda kuma tuni aka maido da zaman lafiya.

Sanarwar ta ce an lalata rumfunan da suke zaune.

Kwamihsinan ƴansanda CP Adegoke Fayoade ya bayar da umarnin a gurfanar da mutanen da aka kama inda kuma ya yi gargaɗi cewa rundunar za ta ɗauki mataki kan duk wanda aka samu da ta da zaune tsaye.

• An Kaddamar Da Dakarun Yan Sanda Na Musamman Don Bayar Da Tsaro A Makarantun Kano.
• Kwamishinan Yan Sandan Kano Ya Yi Bikin Cika Shekara Guda A Ofis Tare Da Bayyana Nasarorin Da Aka Samu