An kashe gobarar da ta tashi a matatar man fetur ta Dangote

Shugabannin kamfanin matatar man fetur ta Dangote ta ce matatar na ci gaba da aiki yadda ya kamata bayan wata gobara da ta kama a yau Laraba.

A cikin wata sanarwa da matatar ta fitar, wadda ta wallafa a shafinta na X, wadda ta samu sa hannun mai magana da yawun matatar, Anthony Chiejina ta ce: “Mun samu nasarar kashe wata ƴar gobara da ta tashi a kamfaninmu yau Laraba 26 ga watan Yuni.”

“Babu wata damuwa domin matatar man fetur ɗin na ci gaba da tafiyar da lamurranta sannan kuma babu wanda ya samu rauni.”

• Wata Kotu Ta Yanke wa Mutumin Da Ya Ke Tura Fina-finan Batsa Tare Da Yi Wa Matar Aure Dan Kira Hukunci A Kano.