Sabon Kwamishinan ‘Yan Sanda na Jihar Kano, CP Ibrahim Adamu Bakori, ya karɓi ragamar shugabanci a matsayin Kwamishina na 47 a heldikwatar rundunar dake unguwar Bompai anan kano.
Kakakin rundunar yan sandan jihar Kano, SP Abdullahi Haruna Kiyawa, ne ya bayyana hakan a wata sanarwa da ya fitar a ranar Litinin, cewa CP Bakori ya maye gurbin tsohon kwamishinan yan sanda, AIG Salman Dogo, da ya samu Karin girma zuwa Mataimakin Sufeto-Janar na ‘Yan Sanda (AIG).
An haifi CP Bakori, a ranar 6 ga watan gaFabrairu, 1969 a ƙaramar hukumar Bakori ta jihar Katsina, ya shiga aikin ‘yan sanda a ranar 15 ga Agusta a shekarar 1996 a matsayin Cadet ASP, inda ya sami horo a Kwalejin ‘Yan Sanda ta Wudil, Kano.
- Gidauniyar Dangote ta ƙaddamar da rabon abincin N16bn ga talakawan Nijeriya
- Kwamitin Tsaron Da Gwamnatin Kano Ta Kafa Ya Kai Sumame Tare Da Kama, Shanun Sata, Miyagun Kwayoyi Da Kuma Yan Daba 53.
CP Bakori ya halarci manyan kwasa-kwasai da dama a fannin aikin ‘yan sanda, ciki har da horon aiki na Rundunar ‘Yan Sandan ,tare da tafiya-tafiye zuwa ƙasashe fiye da 25 a Afirka, Asiya da Turai, inda ya ƙara samun gogewa a aikin ‘yan sanda na duniya.
CP Bakori ya sha alwashin yin aiki tukuru don tabbatar da zaman lafiya da tsaro a Kano.