Fadan Daba: Yan sandan Kano sun shiga unguwannin yan daba 72 tare da shelanta neman su a gaban al’umma.

Rundunar yan sandan jahar Kano , ta gudanar gangamin wayar da kan jama’a, a wasu daga cikin unguwannin jahar, tare da sanarwa da al’umma, sunayen matasa 72 da rundunar ta ke nema kan zargin dawo da fadan daba, fashi da makami, kwace da kuma sace-sace.

Mai magana da yawun rundunar yan sandan jahar Kano SP Abdullahi Haruna Kiyawa ne , ya bayyana hakan a tattaunawar da ya yi da Idongari.ng, a ranar Lahadi.

Ya kara da cewa, duk wanda yake cikin birnin Kano yasan yadda wasu batagarin yan daba, da suke fitowa su tayar da fadan daba, don su tsorata mutane tare da razana su , inda suke yin sata da kuma kwace.

Hakanne ya sanya kwamishinan yan sandan jahar Kano CP Muhammed Usaini Gumel, ya tara dakarun yan sanda , domin shiga unguwannin tare da yin sanar da sunayen matasa guda 72, wadanda ake zargi dumu-dumu a ta’addancin da ake yi.

SP Abdullahi Haruna Kiyawa, ya ce dukkan wadanda ake zargin kowa an shiga unguwarsa domin sanar da al’umma cewar rundunar tana neman su ruwa a jallo.

Wuraren da ake zargin sun addaba, sun hada da Dala, Gwale da wasu yankuna a karamar hukumar Fagge.

Tuni dai al’ummar yankunan da aka shiga dan wayar mu su da kai, kan neman matasan yan daban 72, sun bayyana jin dadinsu da irin namijin kokarin da yan sandan ke yi a koda yaushe.

Sai dai rundunar ta yi kira ga al’umma da su ci gaba da ba wa rundunar hadin kai, domin dakile aiyukan batagari da kuma kare rayukan al’umma da dukiyoyinsu.

Mai magana da yawun rundunar yan sandan ya gargadi ma su son hana al’umma zaman lafiya, dan yin ta’addanci, fadan daba, kwacen waya, ko Rigima dan a zalinci al’umma da yi mu su asarar dukiya , ya tabbatar da cewa ba za su bari ba ayi ba, kamar yadda doka ta ba su dama sashe na 4, police Act 2020 da aka sabunta.

Sunayen yan dabar sun hada da

IDONGARI.NG