Hukumar ƙwallon ƙafa ta Najeriya ta gabatar da sabon kocin Super Eagles

An gabatar da Eric Sekou Chelle a matsayin sabon kocin ƙungiyar ƙwallon ƙafa ta Najeriya (Super Eagles).

Wannan na zuwa ne kimanin mako ɗaya bayan hukumar ƙwallon ƙafa ta ƙasar ta sanar da zaɓen Chelle a matsayin sabon kocin babbar ƙungiyar ƙwallon ƙafar ta Najeriya, daga cikin mutane da dama da suka nemi muƙamin.

A yanzu Eric Chelle, ɗan asalin ƙasar Mali, ya zama mai horas da ƙungiyar na 37 a tarihinta.

Sabon kocin shi ne zai maye gurbin Bruno Labbadia, ɗan asalin ƙasar Jamus, wanda naɗinsa bai je ko ina ba.

• Rundunar Sojin Saman Nigeria Za Ta Yi Bincike Kan Zarginsu Da Kashe Fararen Hula A Zamfara
• Zamu ci gaba da bujuro da Abubuwan Alkhairi dan kyautata rayuwar masu bukata ta musamman a yankin Rakibu: Rurum