Muhammadu Sanusi ll ya isa gidan gwamnatin Kano domin karɓar takardar kama aiki a hukumance a matsayin sabon sarkin masarautar Kano ɗaya tilo.
Rahotonni sun ce tun a cikin dare sabon sarkin ya isa Kano daga Legas inda ya zauna tun lokacin da aka tuɓe shi a shekarar 2020.
Za a gudanar da ƙwarya-ƙwaryan biki a lokacin miƙa masa takardar da za a yi a gidan gwamnatin jihar.
Ana sa ran sabon sarkin ne zai jagoranci sallar Juma’a a babban masallacin sarki da ke Ƙofar Kudu.
Manyan hakiman Kano irin su Madakin Kano da Walin Kano da Sarkin Dawaki Mai Tuta da Sarkin Bai da Turaki duk sun hallara a ɗakin taron, domin shaida bikin.
- Hafsat Chuchu : Babbar Kotun Kano Ta Yanke Wa Malamin Da Ya Yi Wa Nafiu Hafiz Wankan Gawa Hukunci.
- Kudirin Neman Dawo Da Tsohon Taken Najeriya Ya Tsallake Karatu Na 2 A Majalisar Dattawa