Tinubu Ya Ƙirƙiro Ma’aikatar Harkokin Kiwon Dabbobi

Ya sanar da hakan ne lokacin da ya ƙaddamar da kwamitin da zai gyara tsarin kiwo.

Kwamitin zai yi aiki wajen magance matsaloli tsakanin manoma da makiyaya.

A taron, mataimakin shugaban ƙasa, Kashim Shettima, sakataren Gwamnatin Tarayya, George Akume da shugaban ma’aikatan fadar shugaban ƙasa, Femi Gbajabiamila, da wasu jami’an gwamnati na daga cikin waɗanda suka halarci taron.

A watan Satumban 2023, Shugaba Tinubu ya amince da kafa kwamitin shugaban ƙasa don gyaran ɓangaren kiwo da magance rikice-rikicen makiyaya da manoma.

Wannan shawarar ta biyo bayan rahoton taron ƙasa kan gyara tsarin kiwo da rage rikice-rikicen da ke da nasaba da kiwo a Najeriya.

• An gano Kurar da ta tsere daga gandun dajin Jos
• Majalisar wakilan Najeriya ta nemi a dakatar da yarjejeniyar Samoa

Kungiyar Miyetti Allah ta MACBAN, ta buƙace shugaban ƙasa ya ƙirƙiro ma’aikatar kiwo.

Shugabansu, Alhaji Baba Usman Ngelzarma, ya ce makiyaya na buƙatar ma’aikata mai zaman kanta da za ta kula da dukkanin al’amuran da suka shafi kiwo.

Ngelzarma ya bayyana cewa samun ma’aikatar zai magance dukkanin sarƙaƙiyar da ta shafi kiwo, kamar kasuwanci, sufuri da tsaro, maimakon mai da hankali kawai kan kiwo.

• Kotu ta ƙi aminta da buƙatar Yahaya Bello kan mayar da shari’arsa Kogi