Tsohon Ministan Kimiyya da Fasaha a gwamnatin Muhammadu Buhari, Ogbonnaya Onu, ya rasu.
Onu, wanda tsohon gwamnan Jihar Abiya ne, ya rasu bayan ya sha fama da gajeriyar rashin lafiya a wani asibiti da ba a bayyana sunansa ba.
Idan za a tuna, tsohon ministan mai shekara 72 a duniya, ya fito takarar zaɓen fidda gwanin shugaban kasa na jam’iyyar APC a zaɓen 2023, amma ya sha kaye a hannun shugaba Tinubu.
Kafin rasuwarsa, Onu ya kasance ɗan siyasa, marubuci, sannan Injiniya.
Shi ne gwamnan farar hula na farko a Jihar Abiya, kafin daga bisani ya zama minista daga watan Nuwamban 2015 har zuwa lokacin da ya yi murabus a 2022.
AMINIYA
- Yan Sanda Sun Cafke Mutane 54 Da Ake Zargi Da Yunkurin Hana Gudanar Da Hawan Daushe A Kano.
- Sojojin Nigeria Sun Yi Fata-Fata Da Sansanonin Yan Ta’adda Guda Uku A Zamfara