Yadda Ake Zargin Mai Tallan Kifi Da Sayar Da Zinaren Sata N60m A Abuja.

An kama mutanen ne bayan wani bincike da tawagar Binciken Bayanan Sirri (IRT) ta gudanar, wanda ya gano wadanda ke da hannu a laifin.

Bincike ya nuna cewa  wanda ake zargi na farko yana sana’ar sayar da kifi a Kasuwar Kifi ta Kado da ke Abuja.

Sanarwar ta ce “waɗanda ake zargin sun yi wa gidaje uku fashi a unguwar Lugbe, kafin su shiga na huɗu sun yi amfani da wani ƙarfe wajen banƙara tagar gidan inda ta nan suka samu damar shiga gidan.

“Suna shiga gidan, kai-tsaye suka shiga binciken abin da za su uya sacewa.

“A lokacin da suke lalube, sai suka hangi wani akwati a ajiye, nan take suka ɗauka suka tafi da shi.

“Sun yi amfani da guduma wajen buɗe akwatin, inda suka samu kuɗi, takardu, da zinare a ciki.

Sai dai na farko da ake zargin, ya kira mai saye sannan ya sayar da kayan satar, kan kuɗi Naira miliyan 60,” a cewar sanarwar.

Rundunar ta ce da zarar ta kammala bincike za ta miƙa su zuwa kotu domim girbar abin da suka aikta.

• Ɓata-gari ka iya mafani da katsewar Intanet don aikata laifuka – Masana
• Jagororin majalisar wakilan Najeriya sun ziyarci matatar mai ta Dangote